ЦВК акрэдытаваў больш за 500 міжнародных назіральнікаў

• 6.12.2010, 10:19

Місія назіральнікаў ад БДІПЧ АБСЕ на прэзідэнцкіх выбарах у Беларусі атрымала акрэдытацыю для 255 чалавек.

Усяго акрэдытавана больш за 500 міжнародных назіральнікаў, паведамілі ў панядзелак у ЦВК рэспублікі.

«На сённяшні дзень ЦВК акрэдытаваў 524 міжнародных назіральніка, з якіх 234 прадстаўляюць місію ад СНД, 255 - БДІПЧ АБСЕ», - адзначылі ў ЦВК.

Акрамя таго, на выбарах акрэдытаваныя 19 назіральнікаў, якія прадстаўляюць Цэнтрвыбаркамы замежных дзяржаваў, 10 назіральнікаў ад Парламенцкага сходу «саюза» Беларусі і Расеі, 6 - ад Пастаяннага камітэта «саюзнай дзяржавы».