Ванхадла: Чуткі каментаваць я не маю намеру

• 16.08.2012, 15:37

Па неафіцыйнай інфармацыі, допінг выяўлены ў яшчэ аднаго беларускага ўдзельніка Алімпійскіх гульняў у Лондане.

Яго імя пакуль невядома, але гаворка ідзе не пра медалістаў.

Дырэктар Нацыянальнага антыдопінгавага агенцтва Аляксандр Ванхадла паведаміў «Народной воле», што ніякіх афіцыйных дадзеных на гэты конт пакуль няма.

У нас ніякай інфармацыі з нагоды яшчэ адной станоўчай допінг-пробы ў беларускага алімпійца няма, - кажа дырэктар Нацыянальнага антыдопінгавага агенцтва Аляксандр Ванхадла. - Афіцыйных дакументаў не прыходзіла, а чуткі каментаваць я не маю намеру.

Тым часам, беларускі бок рыхтуецца абскардзіць рашэнне Міжнароднага алімпійскага камітэта аб дыскваліфікацыі чэмпіёнкі Алімпійскіх гульняў у штурханні ядра Надзеі Астапчук.