Украінскія абаронцы знішчылі расейскі ўдарны беспілотнік «Фарпост»
- 7.05.2022, 19:24
Беспілотнік такога тыпу каштуе больш за $7 мільёнаў.
Раніцай падраздзяленні паветранага камандавання "Поўдзень" выявілі і знішчылі чарговы расейскі выведвальна-ўдарны БПЛА "Фарпост". Пра гэта паведаміла служба сувязяў з грамадскасцю Паветранага камандавання (УК) "Поўдзень".
У паведамленні адзначаецца, што робат быў знішчаны пры спробе разведаць размяшчэнне аб'ектаў цывільнай і вайсковай інфраструктуры поўдня Украіны.
"Варта адзначыць, што беспілотнік такога тыпу з'яўляецца дарагім апаратам, які ацэньваюць больш як $7 млн. Ён можа несці ўзбраенне - кантэйнер з ракетай ПТРК", - гаворыцца ў паведамленні.
У ПК "Поўдзень" падкрэслілі, што ўкраінскія вайскоўцы працягваюць мужна і гераічна супрацьстаяць націску агрэсара.