Wildberries будзе налічваць беларусам балы за набыткі

• 16.05.2024, 15:56

Але ёсць нюансы.

Папулярны маркетплейс Wildberries пачынае тэставаць новую прыладу «Балы за водгукі». Кліентам будуць налічваць балы за набыткі. Але ёсць умовы.

Па-першае, балы налічаць толькі тым, хто цягам пяці дзён з моманту атрымання тавару на Wildberries пакіне водгук пра набытак, паведамляе прэс-служба Wildberries.

Па-другое, атрымліваць бонусы могуць карыстальнікі сайта і прылад на Android, у якіх усталяваны дадатак Wildberries з апошнімі абнаўленнямі. На iOS інструмент з'явіцца пазней.

І па-трэцяе, пакуль балы могуць налічыць толькі прадаўцы з тэставай групы. Але неўзабаве функцыя будзе даступная ўсім.

Балы налічаць праз 14 дзён пасля напісання водгуку. Іх можна выдаткаваць на ўсялякія пакупкі на платформе. Налічаныя балы поўнасцю эквівалентныя рублям.