Мянчанка рэзнулася ў сцяну гаража на хуткасці

• 17.05.2024, 15:43

Ёй стала дрэнна за стырном.

У Менску дрэннае самаадчуванне кіроўцы стала прычынай ДТЗ, паведамілі ў ГУУС Менгарвыканкама.

Аварыя адбылася на вуліцы Скрыпнікава 17 траўня. А 10.00 гадзіне 45-гадовая кіроўца "Фальксвагена" ехала ў бок вуліцы Прытыцкага і адчула сябе дрэнна за стырном.

У выніку жанчына страціла кантроль над кіраваннем, аўто выехала за межы праезнай часткі і рэзнулася ў сцяну гаража на вуліцы Жабрака.