Мінпрацы Беларусі папярэдзіла пра махлярства з нявыплатай пенсіі

• 24.05.2024, 21:00

І заклікала не ўсталёўваць незнаёмыя праграмы на свой тэлефон.

У Міністэрстве працы і сацыяльнай абароны Беларусі папярэдзілі пра новае махлярства з нявыплатай пенсій. Падрабязнасці расказалі ў прэс-службе ўстановы.

У паведамленні сказана, што ашуканцы тэлефануюць беларусам пад выглядам супрацоўнікаў ФСАН, прапаноўваючы свае паслугі ў абнаўленні праграмы Фонду сацыяльнай абароны насельніцтва праз устанаўленне іншай праграмы. Зламыснікі пагражаюць нявыплатай пенсій.

«Выплата пенсій не залежыць ад наяўнасці на вашым мабільным тэлефоне дадатку “ФСАН”», – падкрэслілі ў Мінпрацы.