УСУ збілі расейскі СУ-25
- 11.06.2024, 9:56
Штурмавік знішчаны на Пакроўскім кірунку.
Генштаб УСУ паведаміў
«Сілы абароны прыкладаюць максімум намаганняў для знясілення і стрымлівання расейскіх захопнікаў. Папярэднія страты агрэсара на гэтым кірунку склалі 198 акупантаў забітымі і параненымі. Знішчаны самалёт СУ-25, адзін танк, баявая браняваная машына, гармата і чатыры аўтамабілі», - гаворыцца ў паведамленні.
Паводле апошніх звестак Генеральнага штаба, з пачатку поўнамаштабнай вайны расейскае акупацыйнае войска страціла ва Украіне каля 519 тысяч 750 салдат.
Сярод вялікай колькасці знішчанай тэхнікі ёсць 359 самалётаў розных тыпаў і 326 гелікаптэраў. Таксама акупанты страцілі 28 караблёў і катараў і адну падводную лодку.