УСУ паказалі разгром штурмавой калоны расейцаў пад Краснагораўкай
- 11.06.2024, 16:34
Відэа баявой працы.
УСУ адбілі штурм расейцаў пад Краснагораўкай Данецкай вобласці, знішчыўшы ўсю вайсковую тэхніку РФ, якая ўдзельнічала ў атацы.
Пра гэта 10 чэрвеня ў X паведаміла ўправа стратэгічных камунікацый (страткам) УСУ, апублікаваўшы відэа баявой працы.
«Спроба штурму пад Краснагораўкай скончылася для акупантаў поўным разгромам. Усю варожую тэхніку спалілі сілы абароны», - сказана ў паведамленні.
У страткаме адзначылі, што ў адбіцці штурму акупантаў, знятага на відэа, удзельнічалі 59-я, 53-я і 79-я асобныя механізаваныя брыгады УСУ пры падтрымцы іншых падраздзяленняў.