У Беларусі зноў падаражэе паліва

• 17.06.2024, 10:31

Гэта будзе пятае падаражанне з васьмі анансаваных.

Як чакаецца, гэтай ноччу, 18 чэрвеня, у Беларусі падаражэе паліва на АЗС. Гэта будзе пятае падаражанне з васьмі анансаваных, нагадвае abw.by.

Раней канцэрн "Белнафтахім" папярэдзіў, што паліва будзе прыбаўляць у кошце па капейцы на працягу васьмі тыдняў.

З 18 чэрвеня кошты паліва будуць такімі:

- АІ-92-К5-Еўра – 2,31 руб.;

- АІ-95-К5-Еўра – 2,41 руб.;

– АІ-98-К5-Еўра – 2,63 руб.;

– ДТ-К5 – 2,41 руб.

Пастанова аб паэтапным падвышэнні кошту паліва на АЗС быа нібыта прынятая камісіяй у пытаннях дзяржаўнага рэгулявання коштаўтварэння пры «ўрадзе». Сярод прычын падвышэння кошту - рост выдаткаў на вытворчасць нафтапрадуктаў, павелічэнне акцыз.

Папярэдняе падаражанне паліва адбылося 21, 28 траўня, 4, 11 чэрвеня. У чэрвені паліва будзе даражэць кожны тыдзень.