Еўра-2024: Каманда Партугаліі распляжыла Турцыю
- 22.06.2024, 21:04
З першага месца партугальцы выйшлі ў плэй-оф Кубка Еўропы.
У Дортмундзе закончыўся матч 2-га тура групавога этапу Кубка Еўропы. Турцыя сустракалася з Партугаліяй і саступіла (0:3).
На 21-й хвіліне Бэрнарду Сільва вывеў Партугалію наперад, а праз сем хвілін Самэт Акайдын адправіў мяч ва ўласную браму.
У другім тайме Партугалія давяла лік да вялікага. На 56-й хвіліне пасля перадачы Крыштыяну Ранальду вызначыўся Бруну Фэрнандэш.
Партугалія з 6 баламі лідэруе ў групе F і гарантавала сабе выхад у плэй-оф Кубка Еўропы з першага месца. Турцыя з 3 пунктамі ідзе другой.