УСУ знішчылі вайсковы палігон у Краснадарскім краі: знішчана больш за сотню дронаў

• 24.06.2024, 21:20

Ёсць загінулыя інструктары.

Украінскія сілы ў пятніцу, 21 чэрвеня, знішчылі аб'екты расейскага вайсковага палігона ў Краснадарскім краі. У выніку былі знішчаныя больш за сотню дронаў і ёсць загінулыя інструктары РФ.

Пра гэта паведамляе прэс-служба ВМС Украіны ў Facebook.

Вайскоўцы ўдакладнілі, што былі знішчаныя аб'екты вайсковага палігону 726-га навучальнага цэнтра СПА (в/ч 33859, Ейск) у Краснадарскім краі.

"Гэта ўстанова займаецца навучаннем і падрыхтоўкай вайскоўцаў для выкарыстання БПЛА розных відаў", - гаворыцца ў паведамленні.

У выніку ўдару было знішчана:

20 Shahed-136;

50 ударных БПЛА Ланцэт;

40 выведвальных БПЛА ZALA;

10 выведвальных БПЛА SuperCam.

"Таксама ёсць загінулыя сярод інструктарскага складу і тэхнічнага персаналу з Елабугі", – падкрэсліваюць у ВМС.