УСУ: У акружаных на заводзе ў Ваўчанску расейцаў ёсць тры варыянты

• 27.06.2024, 19:07

Сітуацыя вельмі зменлівая.

Расейскія захопнікі застаюцца заблакаванымі на Агрэгатным заводзе ў Ваўчанску.

Пра гэта заявіў спікер АТУ «Харкаў» Віталь Саранцаў у эфіры тэлемарафона.

«У Ваўчанску працягваюцца баявыя сутыкненні. Сітуацыя вельмі зменлівая. Што тычыцца сітуацыі з расейскімі падраздзяленнямі на Агрэгатным заводзе, я б аддаў перавагу, каб мы спынілі ствараць міф «пакутнікаў Ваўчанска», - заявіў ён.

Ён адзначыў, што ў расейскіх захопнікаў зараз ёсць тры варыянты дзеянняў.

«Як бы там ні было, у іх зараз тры варыянты дзеянняў. Гэта здацца ўкраінскім вайскоўцам у палон і паўстаць перад украінскім правасуддзем, ці паўстаць перад міжнародным судом, ці паўстаць перад судом Божым. Ва ўсіх трох варыянтах мы згодныя максімальна спрыяць», - адзначыў Саранцаў.