У Кітаі з кампартыі выключылі двух былых міністраў абароны

• 27.06.2024, 16:19

Іх абвінавачваюць у карупцыі.

У чацвер, 27 чэрвеня, у Кітаі выключылі былых міністраў абароны Лі Шанфу і Вэй Фэнхэ з кіроўнай Камуністычнай партыі праз абвінавачанні ў карупцыі.

Аб гэтым паведаміў кітайскі дзяржаўны тэлеканал CCTV, цытуе CNN.

Адзначаецца, што выключэнне Лі Шанфу адбылося праз восем месяцаў пасля таго, як яго рэзка звольнілі з пасады летась у кастрычніку без тлумачэння прычын. Да гэтага ён знік з поля зроку грамадскасці на два месяцы на фоне шэрагу чыстак на высокім узроўні.

Вэй Фэнхэ, папярэдніка Лі Шанфу, таксама выключылі з Камуністычнай партыі паводле абвінавачванняў у карупцыі.

Раней СМІ паведамлялі, што Лі Шанфу маглі рэпрэсаваць праз абвінавачанні ў карупцыі, звязаныя з яго папярэдняй пасадай кіраўніка аддзела вайсковых закупаў.