Байдэн і Трамп падчас дэбатаў абмеркавалі свой узрост

• 28.06.2024, 10:48

У гэтым пытанні абышлося без узаемных абраз.

Падчас першых дэбатаў дзейны прэзідэнт ЗША Джо Байдэн і ягоны апанент на выбарах 2024-га Дональд Трамп, як і чакалася, выказаліся аб узросце адзін аднаго.

- Гэты хлопец (Трамп – рэд.) на тры гады малодшы і значна менш кампетэнтны, – адказаў дэмакрат на пытанне аб патэнцыйнай занепакоенасці электарату праз яго дастаткова сталы ўзрост, інфармуе CNN. –... мяне палову кар'еры крытыкавалі за тое, што я самы малады чалавек у палітыцы, а зараз я самы старэйшы.

Трамп тым часам заявіў, што лічыць сябе чалавекам у добрай форме.

- Я толькі што выйграў два клубныя чэмпіянаты, нават не сярэднія, – пахваліўся экс-прэзідэнт ЗША, тлумачачы, што гаворка ідзе аб гульні ў гольф. – Каб зрабіць гэта, вы павінны быць дастаткова разумнымі, і вы павінны быць у стане біць мяч далёка. (Байдэн – рэд.) гэтага не робіць.

На гэта дэмакрат адказаў, што быў бы рады зладзіць спаборніцтвы ў кіраванні для сябе і рэспубліканца.