У Польшчы на вайсковым палігоне ўспыхнуў пажар
- 28.06.2024, 19:10
Полымя ахапіла пяць гектараў.
У пятніцу, 28 чэрвеня, на ваенным палігоне Жагань у Любускім ваяводстве на паўднёвым захадзе Польшчы ўспыхнуў пажар. Полымя ахапіла пяць гектараў.
Пра гэта паведамляе польскае выданне Onet.
На месца пажару прыбылі падраздзяленні ваеннай пажарнай аховы і Дзяржаўнай пажарнай службы. Акрамя гэтага, у тушэнні задзейнічаныя гелікаптэры.
Польскія пажарныя мяркуюць, што, верагодна, загаранне ўзнікла ў выніку ваенных вучэнняў, якія адбываюцца на палігоне.
Пажар ахапіў пяць гектараў. Сітуацыю называюць кантраляванай, аднак не выключаюць удзелу дадатковых сілаў для ўтаймавання полымя.
Нагадаем, што 10 чэрвеня ў Свентакшыскім ваяводстве на поўдні Польшчы адбыўся выбух і ўзнік пажар на заводзе Mesko, дзе вырабляюцца боепрыпасы. Раней польскія ўлады заяўлялі, што не ўбачылі ў гэтым інцыдэнце доказаў дачынення «знешніх сілаў» да выбуху.