СБУ паказала ўнікальныя кадры спецаперацыі па вызваленні Змяінага
- 30.06.2024, 14:02
Бітва за востраў складалася з некалькіх этапаў.
Два гады таму ўкраінскія абаронцы вызвалілі Змяіную выспу ў Чорным моры. Служба бяспекі Украіны паказала ўнікальныя кадры спецаперацыі.
Пра гэта паведамляе прэс-служба СБУ.
У чэрвені 2022 года спецназаўцы цэнтра спецаперацый «А» СБУ разам з баявымі субратамі з ГУР Мінабароны і УСУ правялі ўнікальную і надзвычай важную аперацыю.
Спецаперацыя складалася з некалькіх этапаў і мела стратэгічнае значэнне, бо з таго часу пачалося паступовае выцясненне ворага з Чорнага мора.
«Спецаперацыя па вызваленні Змяінага стала прыкладам бязмежнай адвагі і прафесіяналізму нашых воінаў Сіл бяспекі і абароны Украіны. Памятаем Герояў Украіны, якія аддалі сваё жыццё ў гэтай бітве», - адзначылі ў СБУ.