Сілы абароны Украіны дамагліся тактычных поспехаў у раёне Клішчыеўкі

• 30.06.2024, 21:56

Агляд фронту ад выведкі Брытаніі.

У Ваўчанску ідуць баі, расейскія войскі не прасоўваюцца пад Часівам Ярам, але кантралююць большасць Краснагораўкі, а ў раёне Клішчыеўкі тактычных поспехаў дамагліся ўкраінскія Сілы абароны.

Пра гэта гаворыцца ў аглядзе брытанскай выведкі, паведамляе РБК-Украіна са спасылкай на публікацыю Мінабароны Брытаніі ў сацсетцы Х.

Ваўчанск. Там, паводле звестак брытанскай выведкі, баі сканцэнтраваныя на заводзе агрэгатаў. УСУ спрабуюць выбіць расейскія войскі з гэтага апорнага пункта на паўднёвым усходзе горада.

Часіў Яр. За апошнія 72 гадзіны брытанская выведка не зафіксавала пацверджаныя прасоўванні расейскага войска ў раёне Часівага Яра. Самыя інтэнсіўныя баі вяліся ў Іванаўскім і Клішчыеўцы на поўдзень ад горада. УСУ, паводле звестак выведкі, контратакавалі ў Клішчыеўцы, дасягаючы там тактычных поспехаў.

Краснагораўка. Расейскія войскі прасунуліся ў Краснагораўцы на Курахаўскім кірунку. Паводле звестак брытанскай выведкі, расейцы, верагодна, кантралююць большую частку горада, а УСУ прысутнічаюць толькі на поўначы Краснагораўкі.

Аўдзееўка-Пакроўск. Кірунак Аўдзееўка – Пакроўск, як адзначае брытанская выведка, застаецца асноўнай зонай засяроджвання расейскіх войскаў. Расейцы здолелі здзейсніць дробныя прасоўванні ў кірунку Нью-Ёрка, Піўнічнага і Піўдэннага.

«Цягам наступнага тыдня сектар Аўдзееўка – Пакроўск, верагодна, застанецца зонай значнай аператыўнай увагі расейскіх войскаў, якія будуць спрабаваць падтрымліваць ціск на ўкраінскія Сілы абароны і ажыццяўляць магчымыя тэрытарыяльныя дасягненні», – мяркуе брытанская