Расея атакавала Кіеў ракетамі
- 30.06.2024, 21:12
Абломкі ўпалі на жылы дом.
У нядзелю, 30 чэрвеня, Расея атакавала Кіеў ракетамі. Адзначаецца, што спрацавала СПА, але яе абломкі ўпалі на жылы дом.
Як паведаміў мэр Кіева Віталь Клічко, абломкі ракеты пашкодзілі шматпавярховік у Абалонскім раёне. З пашкоджанага дома былі эвакуяваныя 10 жыхароў, сказаў Клічко.
«Цяпер да медыкаў звярнуліся пяцёра пацярпелых. Усе – жанчыны, з вострай рэакцыяй на стрэс. Адна пажылая жанчына шпіталізаваная, іншым прапанаваная дапамога на месцы», – расказаў Клічко.
У пашкоджаным доме і каля яго прадаўжаюць працаваць экстранныя службы.