У РФ на Гардона завялі справу за заклікі ліквідаваць Лукашэнку і Пуціна
- 1.07.2024, 18:07
Усяго следчыя падазраюць украінскага журналіста паводле чатырох артыкулаў.
Сярод прычынаў завядзення крымінальнай справы супраць украінскага журналіста Дзмітрыя Гардона – яго заклікі забіць расейскага і беларускага дыктатараў Уладзіміра Пуціна і Аляксандра Лукашэнку. Пра гэта гаворыцца ў тэксце абвінаваўчай высновы, паведамляе ТАСС з 2-га Заходняга акруговага ваеннага суда.
«У Гардона, які адчувае нянавісць да дзейнага прэзідэнта РФ і вельмі негатыўна ацэньвае СВА, узнік намер да заклікаў да ўхілення расейскага прэзідэнта. У мэтах выканання гэтай задумы Гардон выклаў на сваім YouTube-канале заяву з заклікам да ўхілення Пуціна з помсты за дзяржаўную або грамадскую дзейнасць», – сказана ў тэксце дакумента.
Паводле звестак абвінавачання, там сама журналіст заклікаў развязаць грамадзянскую вайну ў Расеі і забіць Лукашэнку.