Ласяня і мядзведзь перабеглі з Беларусі ў Літву

• 1.07.2024, 20:37

Фотафакт.

Ласяня ўцякала ад мядзведзя ў Беларусі, у выніку абое апынуліся ў Літве. Жывёлаў заўважылі ў нядзелю вечарам, 30 чэрвеня, літоўскія памежнікі. Пра гэты выпадак паведамляецца на сайце Службы аховы дзяржмяжы Літвы.

Маладога лася, які ратуецца ад мядзведзя, заўважылі ў запаведніку Чапкяляй.

Памежнікі адзначылі, што ў гэтым месцы няма агароджы, мяжу ахоўваюць пры дапамозе відэаназірання.

Спачатку яны заўважылі, як ласяня забегла на тэрыторыю Літвы, а праз 40 секундаў з тэрыторыі Беларусі за ім прыбег мядзведзь. Мяркуючы з усяго, жывёлы засталіся ў Літве, паколькі на камеры яны больш не пападалі.