788 населеных пунктаў Беларусі засталіся без святла
- 2.07.2024, 11:13
Адключэнні электраэнэргіі былі зафіксаваны ў дзвюх абласцях.
Навальніцы з ліўнем і ветрам пакінулі без святла 788 населеных пунктаў Беларусі, расказалі ў прэс-службе Міністэрства энэргетыкі.
«За мінулыя дні электразабеспячэнне парушалася ў 788 населеных пунктах краіны», – сказана ў паведамленні.
Са звестак ведамства, адключэнні электраэнэргіі былі зафіксаваны ў дзвюх абласцях. Размова ідзе пра Менскую і Віцебскую. Найбольш пацярпелі ад непагадзі Барысаўскі, Ушацкі, Слуцкі, Полацкі раёны.