У чэрвені УСУ нанеслі расейцам рэкордныя страты
- 2.07.2024, 17:49
Названыя лічбы.
Цягам чэрвеня 2024 года расейскія акупанты страцілі ва Украіне нямала тэхнікі. Прынамсі, УСУ знішчылі рэкордную колькасць ствольнай артылерыі.
Аб гэтым для OBOZ.UA распавёў вайскова-палітычны аглядальнік групы «Інфармацыйнае супраціў» Аляксандр Каваленка. З яго слоў, было знішчана 59 расейскіх сістэм супрацьпаветранай абароны, што з'яўляецца другім па колькасці вынікам за ўвесь час вайны.
«Гэта стала магчымым дзякуючы сістэмнай працы па знішчэнні сістэм С-300/С-400 - як у часова акупаваным Крыме, так і на мацерыковай тэрыторыі Украіны і Расеі. Як бачым, рэзультатыўнасць палявання за расейскай СПА даволі высокая, і яна працягваецца!» - сказана ў матэрыяле.
У той жа час у чэрвені расейцы страцілі рэкордную колькасць ствольнай артылерыі за ўвесь час поўнамаштабнай вайны супраць Украіны. Размова ідзе аб 1415 адзінках тэхнікі. Папярэдні рэкорд быў устаноўлены ў траўні, калі знішчылі 1160 адзінак ствольнай артылерыі ворага.
«Прычынай стала папаўненне боекамплекта Сіл абароны Украіны артылерыйскімі боепрыпасамі і вывад контрбатарэйнай барацьбы на новы ўзровень супрацьдзеяння, а таксама ўзгадненне на выкарыстанне заходніх сістэм па тэрыторыі Расеі – а гэта значна пашырыла нашы магчымасці па знішчэнні схаваных на тэрыторыі РФ артсістэм», – тлумачыць Каваленка.
Што да танкаў, то ў чэрвені акупанты страцілі 359 адзінак.
«Гэта не рэкордны паказчык, але з улікам магчымасцяў вайскова-прамысловага комплексу РФ штомесяц адпраўляць у зону баявых дзеянняў прыблізна 350-400 асноўных баявых танкаў (АБТ) дастаткова балючы ў пытаннях папаўнення страт», – адзначаецца ў матэрыяле.
Каваленка дадаў, што ў штурмавых дзеяннях і агулам у сваёй летняй наступальнай кампаніі расейскія захопнікі спрабуюць звесці да мінімуму ўжыванне дэфіцытнай механізаванай кампаненты, у тым ліку і АБТ (асноўных баявых танкаў, - рэд.).
«У асноўным у мясарубку кідаюць пяхоту без сур'ёзнай падтрымкі «бранёй», што і адбіваецца на стратах асабовага складу», - рэзюмаваў ён.