Расейскі тэнісіст Рублёў адзначыўся неадэкватнымі паводзінамі на Уімблдоне

• 2.07.2024, 19:03

Расеец разбіў калена ў кроў ракеткай.

ругая ракетка Расеі Андрэй Рублёў разбіў сабе калена ў кроў ракеткай, не стрымаўшы эмоцый пасля паразы на падачы падчас матчу першага кола Уімблдона, трэцяга ў сезоне турніру «Вялікага шлема», супраць аргенцінца Франсіска Камесанні.

Інцыдэнт адбыўся ў трэцім сэце. Пацярпеўшы паразу на сваёй падачы, Рублёў некалькі разоў моцна ўдарыў па сваім калене ракеткай і разбіў яго ў кроў.

Расеец, пасеяны на турніры пад шостым нумарам, саступае Камесанню, 122-й ракетцы свету, з лікам 4:6, 7:5, 1:4.

Пасля інцыдэнту з разбітым каленам матч быў спынены праз дождж.

Рублёў вядомы сваёй нястрыманасцю на корце. Напрыклад, падобным чынам ён разбіваў сабе калена ў кроў у кастрычніку 2023 года пры паразе італьянцу Яніку Сінэру ў паўфінальным матчы на турніры ў Вене.