На трасе «Менск – Гародня» заўважылі незвычайнае рэтрааўто
- 2.07.2024, 19:51
Гэтай машыне можа быць блізу 100 гадоў.
Па беларускіх дарогах ездзіць вельмі незвычайны аўтамабіль.
У рэдакцыю партала NewGrodno даслалі цікавае відэа, знятае на трасе «Менск – Гародня».
Паведамляецца, што вельмі старэнькі чырвоны фургончык, нібыта з мультфільма, ехаў у бок сталіцы.
Аўто створанае ў стылістцы аўто з 1920–1930-х гадоў. Не выключана, што гэта не нейкая копія ці зборка, а арыгінальны транспарт.
Так, цалкам магчыма, што машыне сапраўды блізу 100 гадоў. Але, нягледзячы на ўзрост, аўто хуткім ходам едзе па трасе.