У Беларусі пройдуць дажджы 3 ліпеня

• 2.07.2024, 20:13

У асобных раёнах прагрымяць навальніцы.

Дажджы, навальніцы і моцны вецер прагназуюцца ў Беларусі 3 ліпеня. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У сераду ноччу будзе пахмурна з праясненнямі, днём пераменная воблачнасць. Уначы на большай частцы тэрыторыі, а днём ва ўсходніх раёнах краіны пройдуць дажджы, месцамі моцныя дажджы. У асобных раёнах прагрымяць навальніцы. Уначы і раніцай месцамі слабы туман. Вецер паўночна-заходні, заходні 4–9 м/с, пры навальніцах парывы да 14 м/с. Тэмпература паветра ўначы будзе вагацца ад плюс 10 градусаў па захадзе да плюс 18 градусаў па ўсходзе. Днём тэмпература павысіцца да плюс 19–24 градусаў.